對 沖 失 手

呢 排 有 好 多 廠 家 嗌 死 ， 內 地 又 有 報 導 話 十 大 廠 商 會 上 書 國 務 院 要 求 採 取 緊 急 措 施 ， 以 最 簡 單 語 言 講 ， 就 係 經 濟 衰 退 ， 人 人 爭 訂 單 ， 訂 單 不 來 ， 加 上 銀 行 收 緊 信 貸 ， 廠 商 自 然 嗌 死 ， 動 腦 筋 要 求 政 府 救 市 。 如 所 有 行 業 都 要 求 救 市 ， 政 府 又 做 黃 大 仙 話 ， 全 世 界 企 業 都 會 變 成 國 營 企 業 。
救 與 不 救 ， 問 題 複 雜 ， 按 下 不 表 。 呢 日 碰 到 某 位 貿 易 商 在 酒 會 中 與 某 廠 商 住 酒 杯 傾 ， 傾 傾 就 彼 此 好 似 面 紅 耳 熱 ， 兼 且 面 黑 ， 左 丁 山 剛 好 企 在 附 近 五 呎 不 到 ， 唯 有 哈 哈 幾 聲 ， 埋 去 握 手 ， 點 知 廠 商 Ａ 就 向 左 丁 山 訴 苦 ， 話 今 年 八 月 時 ， 睇 見 商 品 價 格 有 回 落 跡 象 ， 於 是 學 人 做 對 沖 ， 為 工 廠 原 料 買 定 期 貨 。 誰 不 知 商 品 之 後 繼 續 大 瀉 ， 佢 買 下 批 期 貨 由 平 價 品 變 成 高 價 品 ， 於 是 成 本 大 增 ， 而 外 地 貿 易 商 話 市 場 不 景 ， 猛 咁 壓 價 ， 廠 商 大 嘆 ： 「 好 容 易 命 都 冇 。 」 佢 向 本 地 貿 易 商 呻 幾 句 ， 點 知 貿 易 商 話 ： 「 係 ， 你 做 對 沖 你 事 ， 譬 如 你 用 二 萬 蚊 一 呎 買 西 九 豪 宅 ， 今 時 今 日 我 冇 理 由 用 二 萬 一 蚊 一 呎 同 你 接 貨 ， 你 梗 係 要 蝕 好 多 啦 。 」 於 是 彼 此 講 到 幾 乎 嗌 交 。
廠 商 Ａ 並 非 搵 衰 ， 試 睇 ， 國 航 、 東 航 、 國 泰 、 中 信 泰 富 等 大 公 司 皆 因 對 沖 而 蝕 大 錢 ， 要 發 盈 警 。 貿 易 商 與 廠 商 立 場 不 同 ， 對 成 本 一 事 傾 唔 埋 欄 ， 十 分 自 然 。 但 貿 易 商 對 左 丁 山 講 ： 「 我 好 彩 冇 自 己 開 工 廠 ， 十 幾 年 前 有 聰 明 人 我 生 意 做 得 大 ， 無 謂 畀 咁 多 錢 人 賺 ， 不 如 一 於 『 直 線 整 合 』 （ vertical integration ） ， 辦 一 條 龍 出 口 。 聰 明 人 講 一 大 堆 協 同 效 應 ， 我 聽 得 唔 係 幾 明 白 ， 但 心 郁 郁 之 際 ， 我 老 婆 （ 股 東 之 一 ） 話 要 研 究 清 楚 ， 卒 之 不 了 了 之 。 家 諗 番 轉 頭 ， 如 果 我 開 埋 工 廠 ， 家 會 好 杰 ！ 」 咦 ， 唔 怪 得 有 話 怕 老 婆 先 至 發 達 ， 夥 計 之 言 可 以 不 聽 ， 老 婆 之 言 唔 到 你 唔 聽 ， 畀 佢 日 哦 夜 哦 ， 點 都 要 諗 得 清 清 楚 楚 ， 先 至 可 以 頂 住 。 記 得 好 耐 以 前 肥 佬 黎 講 過 一 個 故 事 ， 就 係 自 己 賣 Ｔ 恤 ， 不 可 經 營 布 廠 ， 呢 個 道 理 好 易 明 白 ， 聽 肥 佬 黎 講 十 分 鐘 就 會 清 楚 晒 。 但 唔 知 點 解 ， 總 係 有 多 人 以 為 賣 Ｔ 恤 可 以 做 埋 製 衣 廠 、 布 廠 、 染 布 廠 ， 以 至 紡 織 廠 （ 舉 例 ， 大 家 可 以 引 伸 ） 。